Birra e mùsica sa prima die de maju, su CalaBeer in La Caletta

Torrat cras in sa Marina de Thiniscole (La Caletta) su CalaBeer, manifestatzione dedicada a sos microbirrifìtzios artesanales e lòmpida a sa de bator editziones. Dae sas 10 de mangianu b’ant a èssere sas mesas de sos maistros de 4 Mori, Arabus, Santu Jorgi, Zemyna, Centoteste, Arbareska Lab, Sòrrisi, Reforte, Triulada e Amistade in pare cun sos artesanos de su logu. In programma fintzas sa mùsica de Il Klan, Ballbreaker, Patrick the Crazy Slivers e Rodeo Clown (cun in prus sos dj Eric-k, Giove e AKAef. A sas 11.30 de mangianu, de prus, b’at a èssere s’addòbiu “Sostenibilità e salvaguardia dell’ambiente che ci circonda” cun Francesco Murgia (de sa riserva MaB Unesco Tepilora, Riu Posada e Montarvu), Maria Luisa Mason (geòloga e educadora ambientale del Ceas de Santa Luchia). CalBeer est organizadu dae s’assòtziu Kawham.