Dae s'8 a su 16 de austu su de 37 Time in Jazz

Presentada custu mangianu in Casteddu sa de 37 editziones de su Time in Jazz chi l’ant a fàghere dae s'8 a su 16 de austu. Ispetàculos in Berchidda (in ue totu nascheit su 1988) ma finas in àteros logos: Alzachena, Bànari, Bultiggjata, Buduni, Lòiri, Locusantu, Òschiri, Otieri, Porto Rotondo, Pasada, Puntaldia, Santu Diadoru, Tèmpiu, Tula, Viddaèccia. Ocannu su tìtulu de su festival est "A Love Supreme", chi benit deretu deretu dae sa discografia de John Coltrane. Bellu prenu s’elencu de sos musitzistas in programma: su sassofonista Kenny Garrett, su trumbetista Theo Crocker, su pianista Omar Sosa chi at a duetare cun Paolo Fresu e àteros artistas, comintzende dae su giai annuntziadu Vinicio Capossela.