Sa "Biblioteca est Cultura chi no podit e no depit morri": s'apellu de Giuanna Mulas po salvai sa Satta de Nùgoro

Ascurta custa nova


(S’úrtima nova) – Casteddu, 15 de su mesi de martzu – Arriscat sa serradura sa Biblioteca Satta de Nùgoro. Totu po mori de sa bulladura de un'emendamentu de sa Finantziaria regionali chi previdiàt de finantziai s'istrutura cun 200milla eurus a s'annu. Su dinai liau at apensamentau da dirigéntzia de sa Biblioteca, s'aministratzioni nugoresa e totu sa comunidadi de ligidoris afetzionaus, intre custus, ddoi est s'iscriidora sarda Giuanna Mulas: "Sa Nùgoro 'mia', sa Satta 'mia'. Tengu in su coru, e ddu apa tenni sèmpiri, s'amentu de candu furiu giovunedda, de is oras passadas in sa Satta: a ligi, a istudiai, a nci passai su tempus, e sèmpiri e comentisisiat a cresci intre is pàginis fraghendiddas scéti, e fadendi s'amori cun issas". "Biblioteca aguali Cultura, - scririt sa Mulas - foras de dógnia interessu mercantili. Biblioteca Cultura chi no podit e no depit morri: aici comenti no si podit e no si depit arginai sa menti, cun is bolus infinius suus". E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Ascurta custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda