Violatzioni de is diritus tzivilis po su protzessu contra a Meloni. Su Comitadu pro sa limba sarda: "Àtera violatzioni de is diritus tzivilis e linguìsticus de is sardus".

29 Marzo 2012
Image
logoregione-SARDUesploso2047.png

Ascurta custa nova


(S’úrtima nova) – Casteddu, 29 de su mesi de martzu – In is tribunalis de sa Sardigna no si podit chistionai su sardu. Est cantu est acontéssiu gióbia passau a Doddore Meloni in su tribunali de Aristanis, po su protzessu chi ddu bit acusau, impari a àterus indipendentistas de Paris, de riatus ambientalis i edilitzius in s'ísula de Malu Entu, proclamada república in su 2008 de Meloni etotu. Su "presidenti" de Malu Entu at pediu de podi arraspundi a is acusas in sa língua de bratzolu sua, su sardu, ma sa dimanda sua at biu sa contrariedadi frima de su prúbbicu ministeru Armandu Mammone. Po is cunclusionis e sa senténtzia su protzessu est stétiu atrassau a s'11 de su mesi de làmpadas. Asuba de cantu est acontéssiu fueddat atressu de una nota de imprenta Su Comitadu pro sa limba sarda: "Su Comitadu pro sa limba sarda […] protestat cun fortza po s'intolleràbili ategiamentu de discriminatzioni linguìstica fata [...] de su prúbbicu ministeru Armandu Mammone in su protzessu a Doddore Meloni". "Est - pretzisat su Comitadu - un'àteru atu de prepotentzia linguìstica a is dannus de unu diritu colletivu de is sardus, contra a su diritu tzivili inàlinàbili de totu unu pópulu a fueddai sa própriu língua e a essi giudicaus in sa própriu língua in Sardigna". E bosàterus ita ndi petzasis? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda


© RIPRODUZIONE RISERVATA

S'ùrtima nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda.

Image
Regione Autonoma Sardigna