Mùsica e meda àteru in su festival "Collisioni"

15 Maggio 2014
collisioni

(IlMinuto) – Casteddu, su 15 de maju - Is festival in s'istade sunt sa mègius cosa pro unire sa passione pro is biàgios a cussa pro sa mùsica.
Comente ogni annu is giòvanos, chi sunt is istimadores prus mannos de is festival, ant isceti de seberare a ue bolent andare e ite fàghere.

Pro s'istade 2014 s'ischint giai eventos interessantes meda. Intre custos bos cherimus faeddare de sa de 6° editziones de su festival Collisioni, chi b'at a èssere dae su 18 a su 21 de su mese de argiolas in Barolo, unu logu galanu in sa provìntzia de Cuneo, nòdidu pro is duos casteddos: su casteddu Falletti e su casteddu de sa Volta.

Su primu s'agatat in su tzentru de sa bidda, mentres su segundu est a pagos chilòmetros in sa sedda a cara de Barolo.

In is dies de vacàntzia sunt de bìere su WiMu (museu de su binu), in su casteddu Falletti (pratza Faletti), e su museu de su Tirabusciò (pratza Castello).

Barolo si podet ammirare andende a fùrriu.

Su programma de su festival est ricu de atratziones, dae sa mùsica a sa literadura a su tzìnema. In cussas bator dies ant a sonare, intre is àteros, is Deep Purple, Neil Young, is Crazy Horse e Caparezza, Francesco Guccini, Piero Pelù, Salmo, Suzanne Vega e Elisa.

Comente in is àteros annos, b'ant a èssere fintzas paritzos addòbios in ue ant a faeddare iscritores internatzionales, giornalistas e atores de su mundu de s'ispetàculu, de is prus famados (intre is àteros: Michele Serra, Fausto Bertinotti, Ferzan OzpeteK, Marco Orso Giacone e Carlo Luccarelli). Duncas, in sa padedda b'at coghinende cosa meda e bois depeis isceti intzertare cales sunt is ingredientes. Si seis interessados podeis giai cumentzare a castiare su giassu ìnternat de su Festival Collisioni.  Su programma, difatis, est giai in rete (s'indiritzu est: http://www.collisioni.it/programma/)!

In is dies de vacàntzia non podides no andare a su ristorante "La Vite Turchese", a pagos metros dae sa pratza tzentrale de sa bidda. Inoghe si papant pratos piemontesos e si bufat binu de calidade.

Su festival Collisioni est una rassigna chi cussigiamus a totu is giòvanos amantiosos de sa mùsica e de sa cultura.

Carta de identidade de su logu

 

© RIPRODUZIONE RISERVATA