Boles imparare su Frantzesu ispassiende·ti? Unu biàgiu a Isvìtzera est su giustu pro tene!

12 Giugno 2014
svizzera

(IlMinuto) - Casteddu, su 12 de làmpadas - As detzisu? Boles partire pro imparare una limba istràngia? Cun ESL at a èssere totu prus fàtzile e ispassiosu!
Ses isportivu e istimas sa natura? Leysin t'at a ammaghiare! Est una bidda galana in sos montes, basada dae su sole e chi acasàgiat sos biagiadores in sa manera prus dèchida.

Est su mègius logu pro respirare àera lìmpia in Isvìtzera: montes mannos-mannos in ue podes apiligare in manera segura, baddes de girare dae unu cabu a s'àteru in sa paghe prus manna, lagos in ue ti podes pasare e recreare.

In Leysin in istiu si respirat un'àera de aventura. A curtzu a su lagu Lemano, a sa costera valdesa e a Montreaux, in su barcone de sas Alpes, sa vacàntzia tua promitet giai de ti donare emotziones mannas in un'ambiente ispantosu!

Abarra seguru chi non t'at a mancare nudda in totu su tempus chi as a istare in Leysin pro imparare sa limba.

Isport de totu sos tipos, atividades pro totu sos gustos e escursiones pro connòschere s'Isvìtzera e sa cultura sua, t'ant a acumpangiare in totu su biàgiu. Non b'at duda peruna: no as a abarrare anneadu!

Sos cursos, su màndigu, s'aposentu tuo e su prus de sas atividades isportivas los as a atzapare a curtzu a ue est sa sede de su Cursu: in custa manera non depes fàghere tretu meda e podent assegurare una mègius calidade de s'organizatzione.

At a èssere un'ocasione ùnica pro agatare amigos noos e pro comunicare in frantzesu in un'ambiente allegru e chietu.

A totu custu b'at de agiùnghere chi sos cursos de limba frantzesa sunt ispassiosos e interativos! Ite nd'essit a pitzu? Una vacàntzia inteligente chi t' at a arrichire!

S'iscola aparitzat finas su tempus lìberu, cun atividades isportivas e culturales. Insandus, in ue andare a Leysin? Sa localidade est connota pro su Tobogganing Park, nàschidu de un'idea de Silvio Giobellina, ex campione olimpiònicu de bob. Inoghe s'agatant istruturas isportivas bonas meda e unu servìtziu de postales gratùitu collegat Tobogganing Park a Leysin; àtera atratzione de importu est sa Carrera "Ferrada" de "la Tour d’Aï".

Ma in ue si podet afitare s'atretzadura pro sas ferradas? In sas butegas de artìculos isportivos chi s'agatant in su bidditzolu. Duncas, pro lòmpere a su percursu si depet pigare sa "funivia" pro La Berneuse.

S'iscola aparitzat su tempus lìberu pro visitare: su Museu "Chocolat Cailler", su casteddu e sa fàbrica de su casu, su Museu "Nature Science", sa tzitade betza, su casteddu de Chillon, su parcu "AcquaParc". Sa tzitade si podet visitare andende a pee e sos pitzocos sunt semper acumpangiados dae sos maistros issoro.

De visitare puru su Museu Vieux Leysin (Grand Rue 107), unu de sos museos printzipales de s'arte populare isvìtzera, e su Museu de sa Bìngia e de su Binu, in su Château d'Aigle. Su casteddu s'agatat in su coro de sas bìngias de Leysin.

Pro mandigare bos cussigiamus unu logu unu pagu caru, ma nde balet sa pena! Su locale est "La Fromagerie", in ue si podet assagiare un'òtima fonduta e una raclette bona meda.

Una vacàntzia linguìstica in Leysin est s'ocasione chi disigias pro megiorare a beru sa connoschèntzia tua de su frantzesu e in su matessi tempus iscobèrrere s'Isvìtzera de sos cùcuros artos de sos montes e de s'àera lìmpia.

Carta de identidade de su logu

 

© RIPRODUZIONE RISERVATA