Su centrumanca casteddaju donat sa solidariedadi sua a sa consigera Fois

21 Febbraio 2020
lingua sarda

Francesca Mulas Fiori, Giulia Andreozzi, Marco Benucci, Marzia Cilloccu, Andrea Dettori, Matteo Lecis Cocco-Ortu, Matteo Massa, Rita Polo e Camilla Soru donant sa solidariedadi insoru a Enrica Fois.

De innoi in antis su documentu de su centrumanca casteddaju

Sa limba no est petzi una parte funguda de s’identidade de unu pòpulu, est s’infrastrutura immateriale prus de balia e serbit a formare sa cussèntzia de apartenèntzia a una comunidade”. Cun custos e àteros arresonos sa consigera indipendentista Enrica Fois at propostu sa “Motzioni po sa promotzioni de su bilinguismu e s’impreu de su sardu in su comunu in sa Municipalidadi de Pirri“, aprovada dae sos grupos de su centrumanca e dae sos Riformatori martis dae su consìgiu de sa Municipalidade. Sa dibata dae s’àula peroe nch’est colada in sos social, ue sa proposta l’ant cuntrestada e disfamiada mescamente a pitzu de sa norma Limba sarda comuna. Normale, cussu de sa limba est unu tema chi apassionat cun una dibata atzuda. Peroe acante a sas polèmicas subra sa motzione a Enrica Fois l’ant ingiurgiada, narendeli de si nch’abarrare in domo “ a fàghere s’istèrgiu”, e l’ant naradu chi est “pseudoconsigera”; calicunu at bogadu dudas subra sas orìgines pirresas verdaderas suas, calicunàteru at propostu de pònnere in sa retza s’indiritzu de domo menetzende in suspu vengas. Unos cantos de custos cummentos pùblicos los ant a pustis burrados. Semus pro sa dibata e s’arresonu, ma sos ingiùrgios e sos disfàmios a una persone chi tenet sa neghe feti de tirare a in antis a manera democràtica sas ideas e sas propostas suas non los bagiulamus: pro custu comente consigeris de su centrumanca in su Consìgiu comunale de Casteddu semus solidales cun Enrica. Cun sos faeddos chi issa etotu s’est augurada “Sa limba depet aunire, non partzire”.

© RIPRODUZIONE RISERVATA