Tàtari: imparai a fai fotografias cun su cursu “Intrecciare Culture”

20 Febbraio 2020
corso fotografia Sassari

Est cumentzau ariseru 19 de su mesi de fiàrgiu, su cursu tataresu po imparai a fai fotografias chi tenit comenti tìtulu “Intrecciare Culture”.
A aprontai is letzionis est  “A Mano Libera”, sa butega fotogràfica pensada po chini bivit in su bixinau de Santu Dunatu.

Su primu atòbiu s’est sboddiau in su “Piccolo Cinema di San Donato”, in carrera Funtana 3. Po is àteras letzionis, noi in totu, no est netzessàriu a tenni una màchina fotografica de propriedadi po podi fai fotografias. Is letzionis ant essi ghiadas de “4caniperstrada” cun sa punna de arregolli imàginis de sa tzitadi de Tàtari. Totus is chi funt interessaus a su cursu si podint iscriri imbiendi un’e-mail a s’indiritzu de posta eletrònica: 4caniperstrada@gmail.com.

F.P.

Fotografia pigada de Flickr. Autori Soe Lin

 

© RIPRODUZIONE RISERVATA