Audarya: un'azienda serdianesa famada pro sa produtzione de binos chi faeddant de su territòriu

S'aèra de mari, unu terrinu ùnicu e unu paesàgius ispantosu sunt sos elementos de àghinas ispetziales
24 Marzo 2020
Cantina di Serdiana

*Dae sa terra a sa butìllia* - Unu brand chi est imbassadore de sa manera moderna e traditzionale de fàghere su binu in Sardigna. Semus faeddende de Audarya, s'azienda de Serdiana chi produit bèvidas de primore.

Unu nùmene importante. Audarya, difatis, in una limba orientale antiga significat ànimu bonu. Bonu comente est s'animu istravanau de custa realidade produtiva chi at su respetu comente motore de onni faina.

Audarya produit binos fìgios de bides autòctonas chi faeddant de su territòriu. Produtos modernos chi abbàidant semper a sa traditzioni.

S'azienda ghiada de Salvatore e de Nicoletta cun s'agiudu de su babbu Enrico s'agatat dae curtzu a Su Stani Saliu, logu chi at una fera galanosa rica meda.

Famada pro sa produtzione de àghina, Serdiana e sos sartos suos sunt sa domo de sas bator bìngias aziendales: Audarya, Acquasassa, Su Stani, Is Crabilis.

Sas bides de custas bìngias sunt prantadas a pagu prus o mancu de 150/200 de artària e sas espositziones sunt istadas istudiadas pro favorèssere una crèschida sana de sas matas.

audaryaTotus sas bìngias ant unu terroir ùnicu. In prus, sunt basadas dae s'àera de mare chi lompet dae su Golfu e chi dat caraterìsticas ispetziales a sas àghinas.

A pensare a sas bides sunt Salvatore e Enrico acostagiados de sos coltivadores de sas bìngias de Serdiana chi dae semper traballant cun sa famìlia.

Sa cantina cun is cobedinas de aciàrgiu e de tzimentu, sa sala de sas carradas, sa de imbotillare e s'enoteca, s'agatat in sa possidèntzia Audarya, chi cun sos 7 ètaros de terra suos est su coru de s'azienda. Sa bìngia est pastinada in unu terrinu de tuvu e de lugiana a 200 metros de artària. Inghiriada de unu paesàgiu meravigiosu, custa bìngia est fata de bides Cannonau, Muristellu, Vermentinu e Malvasia.

S'azienda de Serdiana at duas sèrie de binos: sos de sa “Linea Audarya” e sos de sa “Linea Selezione della Cantina”.

Vermentino, Nuragus, Rosato, Monica e Cannonau sunt sas propostas de sa “Linea Audarya”, mentras Camminera, Nuracada, Estissa e Bisai sunt sas bèvidas de sa “Linea Selezione della Cantina”.

Onni eticheta est unu binu sardu primorosu, un'iscoberta nuscosa e saborida chi dat sudisfatzione e chi agradat a chie la bufat.

 

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento