Claudia Zuncheddu: trasportu de is benis e coronavirus

Sa denutzia de Sardigna Libera
22 Marzo 2020
claudia zuncheddu coronavirus

Mancai ddoi siat su blocu de portus e aeroportus in totu sa Sardigna, is decretus de su Guvernu italianu permitint s'arribu de benis atressu de su mari. Funt difatis is autistas chi lompint de is logus aundi s'impestu de su coronavirus est prus malu a ndi betiri su grussu de is benis. Custu poita su Presidenti de sa RAS, comenti Autoridadi de sa Sanidadi in Sardigna, at autorizau su movimentu de is traballadoris chi oi iant a podi betiri su covid-19 de domu insoru in s'ìsula. Po is autistas no ddu at nemancu s'òbrigu de fai sa carantena.

A ddu fai sciri, cun dd'una nota de imprenta, est Claudia Zuncheddu, segretària de su movimentu indipendentista Sardigna Lìbera. Sa segretària Zuncheddu aciungit ca s'impestu de su coronavirus no si podit previdiri. Duncas pedit a is rapresentantis polìticus regionalis de pigai allestru determinus istitutzionalis ladinus e profetosus.

© RIPRODUZIONE RISERVATA