Coronavirus: “La spesa a casa” de su Comunu de Assèmini

Su comunu de Assèmini giait una manu a sa populatzioni ativendi su serbìtziu “La spesa a casa”. Dògnia asseminesu chi tenit prus de 65 annus, chi no est autònomu, chi tenit abisòngius pretzisus (comenti is fèminas pringias chi s'agantant a sa sola), chini sunfrit de malis crònicus e is isentus, ant a podi ordinai s'ispesa telefonendi a is butegas: Ortofrutta Terre di Sardegna (tel. 342 719 5741), Oasi della frutta (tel. 393 4713092), L'angolo dei Sapori (tel. 333 1007311), Il Massimo del Caffè (tel. 347 1263757), Punto Verde Qualità srls (tel. 350 0451097), Lineafreddosurgelati (tel. 328 4883841), Central Market (tel. 070 944788 – 393 8051923). Agoa s'ispesa at essi intregada in deretura a domu.

A ponni in motu custu serbìtziu ant essi is bolontàrius de sa Misericordia Assemini, is de sa Protezioni Civili de Assèmini, totus is àterus bolontàrius e is Ufìtzius de su Comunu.

Totus is butegas chi bolint aderiri a s'initziativa depint mandai un'e-mail a s'indiritzu: serviziosociale@comune.assemini.ca.it