Coronavirus: is museus sardus ammiraus in domu

Bellesa e cultura cun nd'unu click
25 Marzo 2020
cultura coronavirus

In Sardigna sa cultura non si fait frimai de su coronavirus. Su mundu culturali, difatis, no s'est abarrau a sa fantana a castiai e at pigau parti a s'initziativa “#iorestoacasa”.

Cun custu progetu culturali s'ìsula arrespundit a su coronavirus fadendi iscobèrriri is bellesas suas. Museus e giassus archeològicus ocupant sa realidadi virtuali gràtzias a is oportunidadis donadas de su web, chi permitit de biri colletzionis intreas e òperas chi no si connoscint.

In custa manera su patrimòniu mannu de sa Sardigna est a proa de click.

S'ant a podi bisitai: su Museu Archeològicu de Casteddu, su Museu de arti Siamesa Stefano Cardu, su MaMu de is màscaras de Mamujada, su Museu Nivola de Orane e su MAT de is Artis e Traditzionis de Otzana. Est imbecis dedicau scèti a is mannus s'Ispàtziu Illisso de Nùgoro.

 

© RIPRODUZIONE RISERVATA