Coronavirus: pentzamentu mannu po s'aumentu de su nùmuru de abandonus de canis e pisitus

S'OMS fait isciri ca is animalis no si podint apestai de coronavirus
12 Marzo 2020
canis covid19

Canis e pisitus no podint apestai is óminis cun su COVID-19. A ddu fai isciri est s'OMS, s'autoridadi prus de importu in su mundu po cantu pertocat a sa saludi. A ddu pretzisai cun nd'una nota de impronta funt puru s'"Istituto Nazionale di malattie infettive" de su Spallanzani, su Ministeru de sa Saludi e s' "Istituto Superiore di Sanità".

Sa timoria chi acumpàngiat su coronavirus, difatis, est registrendi un nùmuru de abandonus chi ponit pentzamentus.

Fintzas in su DPCM de su 9 de martzu 2020 - acrarat s'Enpa "Ente Nazionale Protezione Animali" - "no si proibit a óminis e animalis de si movi impari in su comunu aundi bivint: passillai cun su cani est netzessàriu po sa saludi de su meri e de su cani etotu".

F.P.

© RIPRODUZIONE RISERVATA