Coronavirus: in Tortolì su serbìtziu “Tortolì Aiuta”

Ativus is bolontàrius de su comunu po comporai mexinas e fai ispesa
20 Marzo 2020
coronavirus Tortolì

In custu momentu de apretu mannu causau de su coronavirus, s'Assesorau a is Politicas Sotzialis de su Comunu de Tortolì at ativau unu nùmuru de telèfunu po is personis chi tenint abisòngiu de meixinas e de unu pagu de ispesa.

Su serbìtziu, chi si lamat “Tortolì Aiuta”, est pensau po is bècius, po chini no tenit parentis o bixinus, po is malàdius e po chini depit fai sa corantena in domu e no podit bessiri.

Ant essi is bolontàrius de su “Servizio Civile Universale” de su Comunu a arrespondi a su nùmuru 0782/600780. Àterus bolontàrius ant a fai is intregus a domu.

Su serbìtiziu funtzionat de is 9.00 a is 12.00 dògnia diri de su lunis a su cenàbara.

© RIPRODUZIONE RISERVATA