Su progetu "Diario della quarantena" de su museu MAN
Su MAN de Nùgoro at cumentzau ariseru su progetu culturali intitulau "Diario della quarantena". Unu de is progetus de #iorestoacasa e #laculturanonsiferma.
"Diario della quarantena", difatis, at aprontau duas garas. Sa primu est #ladidatticacontinua e tenit cumenti protagonistas is piciocheddus de iscola, s'àtera est #artecheresiste e est dedicata a sa genti prus manna de edadi.
A is protagonistas de s'unu e de s'àteru contest si pedit de creai una mùsica, una fotografia, unu disegnu chi tenit po tema su sentidu de custas diris.
De ariseru is operas si podint imbiai a: mancontest2@gmail.com.
Is garas ant a durai duas cidas e ant essi torradas a fai po tres bortas. Sa primu de su 30 de martzu a su 12 de arbili, sa segunda de su 13 de arbili a su 26, sa tertza de su 27 de arbili a su 10 de maju.