"Cantina del Vermentino di Monti": ma mamma ditzosa de etichetas premiadas

* Dae sa terra a sa butìllia * - Comente cumprendimus dae su nùmene suo, sa "Cantina del Vermentino di Monti" s'agatat in Monte, una biddighedda de sa Gaddura.
S'istrutura chi acollit sa cantina montina est in unu fràigu bellu meda, chi s'agatat intro de unu buscu de chercos. Semus faeddende de unu fràigu chi at un'istòria interessante.
Cumentzada in su mese de trìulas de 1956.
In diri de oe, sa cantina contat treghentos-chimbanta sòtzios. Difatis, custa realidade produtiva est una cantina sotziale, una de sas prus mannas chi amus in Sardigna, e sos sòtzios suos coltivant chimbighentos ètaros de terra. Sunt terrinos chi s'agatant in Monte, Telti, Terranoa e Lòiri Portu-Santu Paolu e chi podent godire de su bentu chi lompet dae su mare e chi a de note infriscat sas terras.
Dae su nùmene suo suo si diat pòdere pensare ca custa cantina produit feti binos dae àghina Vermentinu e difatis est famada mescamente pro su binu Funtanaliras, una bèvida bona meda, chi at nuscos de frores e frùtora e chi in totue est divènnida su sìmbulu de su "Vermentino di Gallura DOCG". Semper e cando, sa proposta de sa "Cantina del Vermentino di Monti" at àteras etichetas interessantes.
In sa Cantina si produint binos nieddos puru, comente su Cannonau DOC, e mescamente su binu Galana, nàschidu dae unu blend de àghinas nieddas autòctonas e istràngias chi posca de sa binnenna pasant in carradas de orroli.
Sa Cantina de Monte produit finas binos rosados, comente su "Tahora IGT Colli del Limbara Rosato", frutu de s'unione de àghinas autòctonas e internàtzionales, e àteros biancos chi non deludent istimadores e nen sa gente pagu esperta. In sas bìngias de sos sòtzios, difatis, si produit finas àghina Muscadellu, chi est impreada pro fàghere un'ispumante durche de primore. Est su "Moscato Vigne del Portale", una bèvida echilibrada, frisca meda, chi bogat nuscos aromàticos de rosa, pèssighe e sàlvia.
Sas de custa realidade produtiva gadduresa sunt etichetas premiadas in sos cuncursos natzionales e internatzionales. Bastat pensare ca in su Vinitaly de su 2019 at otènnidu duas medàllias de oro: cun su "Vermentino di Gallura DOCG" S'Eleme e cun su "Vermentino di Gallura DOCG Superiore" Aghiloja. Binos chi posca de 60 annos sunt galu premiados e apretziados meda.
Dae sa terra a sa butìllia
Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22
