Coronavirus: s'apellu de s'ambulatòriu Osea de Terraba

"No si ponei a sciacuai is brancas dei is canis cun amuchina o cun varichina”: si podint sciacùai scèti cun s'àcua e su saboni
4 Aprile 2020
osea terraba

“No si ponei a sciacuai is brancas dei is canis cun amuchina o cun varichina”. Est custu s'apellu fatu de is veterinàius e is veterinàias de s'ambulatòriu Osea de Terraba.

In custas diris de apretu coronavirus, difatis, po mori de una sceda passada a manera pagu ladina in sa televisioni, genti meda, a pustis chi torrat de sa passillada cun su cani, si ponit a ddi puliri is brancas cun varichina o amuchina.

Sa varichina – iscrint is dotoris de s'ambulatòriu terrabesu in sa pàgina fb cosa insoru – fait mali a sa peddi de is animalis, dda ferrit”. In prus est perigulosa meda, poita is canis, po circai unu pagu de allèbiu, si dda lingint. Duncas s'iant a podi atossicai. Po sciacùai is brancas a is canis est bastanti s'àcua cun su saboni.

© RIPRODUZIONE RISERVATA