Sa bandera sarda comenti sìmbulu de sa festa manna de su Populu Sardu

“Su 28 de arbili est sa festa natzionali de su Populu Sardu”. A dd'arregordai est su partitu Sardigna Natzione Indipendentzia, chi cun d'una nota de imprenta cumbidat a totus is sardus a ponni sa bandera de sa Sardigna in is pratzas mannas de is biddas ode is  tzitadis. Cust'arrastu depit essi s'arrespusta colletiva a s'apretu coronavirus puru, si ligit in sa nota.

Sa bandera at essi impreada comenti sìmbolu de importu de sa festa puru de is ativistas de Caminera Noa, chi cumbidant a is sardus a ponni sa bandera in is curridoris de is domus, e de is militantis de Lìberu, su partidu de sa manca indipendentista, chi, cun nd'unu comunicau cumbidat a ammostai sa bandera natzionali de is morus e a fai barchitas, sìmbulu de importu de sa diri de s'aciapa.

Fotografia pigada de Flickr. Autori Elena Giglia