Torrat ativu su serbìtziu de imprèstidu de su "Sistema Bibliotecario Monte Claro"

De su 25 de su mesi de maju, totu is bibliotecas de su “Sistema Bibliotecario di Monte Claro” - sa “Biblioteca Emilio Lussu – Villa Clara”, sa “Biblioteca Ragazzi”, su “Centro Regionale Documentazione Biblioteche per Ragazzi” e sa “Biblioteca delle Scienze Sociali” - ant a torrai ativas cun su serbìtziu de imprèstidu de lìburus.

Is oràrius ant essi cussus chi ddoi fiant primu de s'apretu coronavirus. Su serbìtziu at essi ativu, duncas, puru in is diris de sàbudu e de domìnigu.

Po àteras scedas si podit castiai su giassu ufitziali.