Birras Le Springo: onni tzicu un'ispantu

Sas ampuddas de su birrifìtziu mastrinu de Casteddu
9 Luglio 2020
le springo

* Dae sa terra a sa butìllia * - Respundet a su nùmene de Le Springo e est unu birrifìtziu casteddaju mastrinu. Nàschida in su 2006, custa realidade produtiva brassìcola faghet feti birra de calidade.

Frutu de sa passione de Gabriele Spingola, su birrifìtziu ponet sa firma sua a unas cantu de etichetas de interessu mannu. Onni birra Le Springo, difatis, est s'acumprida de un'ispiratzione diferente.

Le Springo faghet una proposta rica, cun referèntzias britànnicas e americanas e cun una mira a compudare su mundu de sas incobunaduras àcidas e pro su prus de sas birras innovativas.

De onni manera, s'istile prus istimadu dae su mastru birràiu, su chi massimamente ghiat sa produtzione Le Springo est s'americanu, in sos gèneres Pale Ale luppolados meda, est a nàrrere in sos tipos Stout e Sour.

birras le springo

S'ànima de totu sa produtzione birràia de custu birrifìtziu est sa chirca fitiana de su primore. No est pro nudda ca onni bufada si cunfirmat una licania chi non la si podet descrìere a paràulas.

Sas bèvidas a firma Le Springo sunt birras sardas chi non deludent mai. Retzetas sìmplitzes, creadas cun cura pro pònnere a notu sa calidade manna de maltos e lùpulos. Su resurtu sunt etichetas praghiles chi acuntentat su paladu.

Naschent gosi chimbe ampuddas: “Springolandia”, “L'Aura”, “S.p.a.rello”, “Zazi” e “60914”. Birras chi interpretant istiles diversos in manera originale e semper interessante. Onni tzicu est un'iscoberta.

Tocat a nàrrere puru ca su mundu de Le Springo est una realidade chi spantat aberu. In prus de sa creatzione de birras primorosas, in su 2018 s'azienda at dadu vida a un'àteru bisu. Est su progetu Beer Bike, una faina sìmplitze e eficatze: una bicicleta de càrrigu cun marcu Le Springo est istada frunida de un'ispilladore e acumpangiada de unu gestore chi contat in su caminu s'essèntzia de onni birra produida dae custu birrifìtziu de Casteddu.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento