Buffa: sas birras chi ingùlimant finas a s'ùrtimu tzicu

Ant unu sabore ùnicu e su matessi caràtere de terra de Sardigna: sas birra Buffa sunt una ruja, una bianca e una brunda e cherent tastadas totus tres
21 Luglio 2020
birra buffa

* Dae sa terra a sa butìllia * - Unu brand interessante chi ingùlimat finas a s'ùrtimu tzicu. Buffa, difatis, est su nùmene de una beer firm màstrina de Zeddiani, una biddighedda in provìntzia de Aristanis.

Dae su 2013 custa realidade brassìcola campidanesa produit una birra de calidade, una bèvida bona chi s'ischerat pro àere unu sabore ùnicu e unu caràtere chi est su resumu perfetu de sa terra in ue naschent: sa Sardigna.

Sas tres etichetas firmadas dae Buffa, est a nàrrere sa "Sarda Ambrata Artigianale", una birra a colore de pinnadellu, sa "Sarda Bianca Artigianale", una bèvida bianca, e sa "Sarda Bionda Artigianale", una birra brunda interessante meda, sunt una prus bona de s'àtera.

Onni eticheta est su frutu de sa cumbinatzione de bator ingredientes tìpicos de su mundu de sos mastros birràios: madrighe, maltu, lùpulu e abba. Est dae custos elementos chi naschent birras licanzas, produidas pro delitziare sos palados chi esigint bèvidas de calidade manna.

Gràtzias a s'arte brassìcola de custa beer firm, sos amantiosos de sa birra màstrina a colore de pinnadellu podent tastare sa "Birra Ambrata Artigianale", una bèvida ruja in istile Strong Ale chene colada e chene pastorizada.

Sa "Birra Ambrata Artigianale" torrat a buddire in intro de s'ampudda sua pro unu mese.
Cun su 6% de alcol, custa eticheta de primore est bona a la bufare pro acumpangiare màndigos de petza, malloreddos a sa campidanesa e birdura prenada.

Sa "Birra Ambrata Artigianale" bisòngiat a la serbire bella frisca.

Sa "Sarda Bianca Artigianale", imbetzes, est sa bèvida giusta pro sos chi preferint sas birras in istile blanche. Custa eticheta est caraterizada dae unu sabore praghile e dae nuscos de frùtora de onni ratza. Sa Buffa bianca puru est un'eticheta chene pastorizada, chene colada e torrat a buddire in ampudda pro unu mese. Cun su 5% de alcol custa birra est beverina meda e nche nde bogat su sidis.

Pro chie chircat semper una brunda, Buffa proponet sa "Sarda Bionda Artigianale", una bèvida in istile Blond Ale inglesu de 5% de gradu alcòlicu.

Un'eticheta chi, comente sas sorres suas, no est pastorizada e no est colada. Una bèvida licanza, chi presentat nuscos de frores e de lùpulu friscu.

"Sarda Bionda Artigianale" est òtima comente aperiente, ma fàghet sa figura sua puru si est bufada mandighende sa pitza o impare a màndigos de rosu e antipastos.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento