Obertas po totu su mesi de argiolas is iscritzionis a sa “Scuola civica di Musica Città di Cagliari”

Sa “Scuola civica di Musica Città di Cagliari” torrat a oberri is iscritzionis a is cursus suus.

Po s'annu 2020/2021 is cursus s'ant a arricai cun su de launeddas, cun su cursu po imparai a sonai su sonetu, cun su cursu de corru, su de organete, cussu de mùsica po tzìnema e àterus meda.

Chini s'at a bolli iscriri dd'at a depi fai in su mesi de argiolas; su 31, difatis, est s'ùrtima diri po ddu podi fai.

Po scedas tocat a telefonai a sa segreteria in is diris de lunis, mèrculis e cenàbara de is tres a is seti de merì, o su martis e su giòbia de is tres a is otu. Su nùmeru de telèfonu est: 375 528 2076, sa mail est: scuolacivicadimusica@comune.cagliari.it.

Po connosci totus is cursus ativus e is nous e po iscarrigai su documentu de s'iscritzioni incraca innoi.