Totu prontu po sa de tres editzionis de su JazzAlguer
![Paolo Fresu e Daniele Di Bonaventura](/sites/default/files/styles/header_md/public/upload/2020/07/Paolo%20Fresu%20%26%20Daniele%20Di%20Bonaventura%20.jpg?h=10bb7bb4&itok=ixKJI2pi)
De su 12 de su mesi de argiolas 2020 in S'Alighera at a cumentzai sa de tres editzionis de sa rassigna JazzAlguer.
Is atòbius ant essi otu in totu e ant a andai annantis fintzas a su 3 de cabudanni. Su JazzAlguer est stètiu aprontau de s'asòtziu Bayou Club-Events e su diretori artìsticu est Paolo Fresu.
Funt medas is nòminis de importu chi ant a sonai e cantai po custa rassigna: de Franca Masu a Stefano Noise, de Salvatore Maltana a su duo Paolo Fresu e Daniele Di Bonaventura, de Sade Mangiaracina e Ziad Trabelsi a Roundella e àterus protagonistas de valori de s'iscena jazz.
Is atòbius s'ant a tenni a Lo Quarter e ant essi arrispetadas totus is arrègulas anticovid.
(Sa fotografia est Felipe Fuenzalida)