In Narcau sa primu bessida de “Visioni sarde 2020”

At a cumentzai de Narcau su 7 austu de su 2020 su caminu de sa rassigna “Visioni Sarde 2020”, un'atòbiu de importu chi est dedicau a su tzìnema de Sardigna. Partendi de su Surcis is film sardus ant a lompi in medas logus de su mundu e ant a arribai fintzas in America e in Giapponi.

In Narcao, sa primu bessida de “Visioni Sarde 2020” s'at a tenni in sa miniera Rosas, unu giassu de archeològia industriali de importu mannu arreconnotu de s'Unesco puru.

S'atòbiu de su 7 de austu at a biri sa presentada de “Dakota dynamite” de Valerio Burli, “Destino” de Bonifacio Angius, “Fogu” de Alberta Raccis, “Fragmenta” de Angelica Demurtas, “Gabriel” de Enrico Pau, “L'abbraccio” de Simone Paderi, “Lasciami andare” de Roberto Carta e “Valerio” de Gianni Cesaraccio. Sèmpiri in Narcau ant a sighiri is atopus de sàbudu 8 de austu e de domìnigu 9.