S' “Accademia internazionale di musica di Cagliari” afestat bint'annus de vida

De su 23 a su 31 de austu 2020, Casteddu at a acasigiai un'atopu de importu mannu po totus is personis chi tenint a coru sa mùsica classica. Difatis ocannu, s' “Accademia internazionale di musica di Cagliari” at a afestai bint'annus de vida. Dd'at a fai imparis a su “Conservatorio Giovanni Pierluigi da Palestrina”.

Sighendi totus is arregulas contra a s'apretu coronavirus, sa citadi de Casteddu at a accolliri is mellus musicistas de mùsica classica de totu su mundu. Ant essi custus is maistus de sa masterclass aprontada in su “Conservatorio”. Un'atòbiu de importu, chi previdit chi setanta giòvunus ndi pighint parti.

In Casteddu is seti diris dedicadas a is bint'annus de “Accademia internazionale di musica di Cagliari” s'ant a arricai de unus cantu cuncertus. Su programma at essi publicau in is diris chi benint.