BDIC: sa birra màstrina chentu pro chentu “made in Casteddu”

Bèvidas ispantosas chi ant un'istòria interessante
8 Settembre 2020
birrificio di cagliari

* Dae sa terra a sa butìllia * - Est su 2008 cando su BDIC - abbreviatzione de su “Birrificio di Cagliari” - alluet sa lughe de su primu brewpub, est a nàrrere unu pub cun produtzione de birra de Sardigna.

Una realidade brassìcola interessante chi pigat su nùmene suo dae su cabu de logu sardu: Casteddu, tzitade de mare chi at una bellesa ispantosa chi nde furat sa mirada.

Est in custu cugione de Sardigna ricu de istòria e de arte chi at domo su birrifìtziu fundadu dae Marco Secchi e Ninni Giudici, una bella faina chi at un'impiantu capassu de produire prus o mancu chentu mìgia litros de birra a s'annu. Su BDIC, difatis, firmat unu repertòriu de etichetas ampru e interessante.

Non feti birras màstrinas, sena coladas e sena pastorizadas a s'ispina, pro ite comente traditzione in su brewpub si podent peri tastare màndigos licanzos e durches saboridos comente su birramisù. Est unu logu in ue sos ogros s'incantant in cara de sas cubedinas rivestidas de ràmene chi si bident pro mèdiu de sas bidrieras.

Sa produtzione birràia de su “Birrificio di Cagliari” s'ispirat a sos repertòrios classicos de sa Germània, de su Regnu Unidu, de su Bèlgiu e de sos Istados Unidos, ma s'arrichit puru de ingredientes sardos originales come sa figu morisca.

bonaria

Paris cun sas màterias primàrgias de calidade, sa passione e sa professionalidade sunt sos duos elementos primorosos chi s'agatant in onni ampudda de birra.

Sas BDIC sunt bèvidas chi non si podent ismentigare. Etichetas chi naschent dae unu protzessu de produtzione màstrinu, chi incumentzat cun sa molidura de sos maltos e sighit cun s'ammostamentu, sa cotura e sa lupoladura, lassande gosi a sas madrighes su tempus pro sa incubonadura e sa crèschida.

Dae sa “Biddanoa” a sa gluten free “Bonaria”, dae sa “Stampaxi” a sa “Tuvixeddu”, dae sa “Casteddu” a sa “Poetto” e a sa “Genneruxi”, dae sa “Dexi” a sa “Figu Morisca” e a sa “Cream Heli”, dae sa “Mutta Affumiada” a sa “Meli Marigosu” e a sa “San'Elia” onni tzicu de birra BDIC costoit sos nuscos e sos sabores naturales de sos maltos e de sos lùpulos.

In prus de sas birras su “Birrificio di Cagliari” faghet sidros primoros puru. Sunt su “Karamela” e su “Strafico”.

Bisòngiat a nàrrere ca dae su 2014, a sa faina de su brewpub su BDIC at acostagiadu sa distributzione de sas birras in totu sa penìsola e ca sos resurtados sunt importantes.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aggiungi un commento