Concours Mondial de Bruxelles: sa resessida de sos binos sardos

S'ìsula batit a domo 14 madàllias
21 Settembre 2020
concorso enologico itinerante

S'est isboligada in sa tzitadi de sa Repùblica Ceca Brno sa de 27 editziones de su "Concours Mondial de Bruxelles", unu cuncursu enològicu chi de annu in annu est acasigiadu in logus diversos.

In gara 8.500 etichetas lòmpidas dae 46 Paisos. Tra custos est istada premiada sa Sardigna puru. S'ìsula, difatis, batit a domo 14 medàllias: una "Gran Medaglia d'oro", 3 medàllias de oro e 10 de prata.

Sa "Gran Medaglia d'oro" est istada bìnchida dae su binu "Viniola 2015", unu "Cannonau di Sardegna DOC Riserva Rosso" de sa "Cantina Dorgali".

Sas tres medàllias de oro, imbetzes, andant a su binu "Parisi 2017 Rosso" de sos "Garagisti di Sorgono", a su  "Fòla 2017", unu "Cannonau di Sardegna DOC Rosso Riserva" produidu dae sa cantina Siddùra de Logusantu, e a su binu "Maroneo 2015", unu "Cannonau di Sardegna DOC Rosso" de sa "Cantina Dorgali".

Infines, sunt istados premiados cun sa medàllia de prata su "Redit 2016", "Cannonau di Sardegna DOC Rosso Riserva"  de sa "Cantina Santa Maria La Palma", su binu Noras 2017, unu "Cannonau di Sardegna DOC Rosso" de sa "Cantina Santadi", su "Fattorie Isola 2019", unu "Vermentino di Sardegna DOC" produidu de Luigi Cuccaru, su "Manca 2017 Rosso"  de  "I Garagisti di Sorgono", su  "Silvio Carta Vernaccia di Oristano DOC Riserva" de sa cantina aristanesa Silvio Carta, su binu "Contissa 2019", unu "Vermentino di Sardegna DOC" de sa Cantina Trexenta de Senobria, su "Tanca Su Conti 2015", unu "Cannonau di Sardegna DOC Riserva" de sa Cantina Trexenta de Senobria, su "Terresicci 2015", un'"Isola dei Nuraghi IGT" de sa "Cantina di Dolianova", "s'Oirad 2017", "Isola dei Nuraghi IGT Bianco" de sa "Vitivinicola Ferruccio Deiana" de Sètimu, e su "Sileno 2016", unu "Cannonau di Sardegna DOC Riserva" produidu dae sa "Vitivinicola Ferruccio Deiana" de Sètimu.

© RIPRODUZIONE RISERVATA
Tags