PISCAS: un'iscola po sa pianificatzioni de sa costera

In su programma puru s'isvilupu de s' ''Acquacoltura Sustenìbili”
13 Settembre 2020
acquacoltura sustenìbili

De su 14 a su 18 de su mesi de cabudanni, in sa domu de sa “Fondazione IMC” de Turri Manna s'at a isboddiai sa Scientific School “PISCAS - Pianificazione dello Spazio Costiero per lo sviluppo dell'Acquacoltura Sostenibile”.

S'iscola est aprontada de sa “Fondazione IMC” e totu, cun s'agiudu de su IAS, “Istituto per lo studio degli impatti antropici e sostenibilità” e de su ISMAR, “Istituto di scienze marine” de su CNR.

Piscas est finantziada puru cun su dinai de su programma “Scientific School 2019-2020” promòviu de “Sardegna Ricerche” atressu de su metodu iscientìficu acapiau a sa gestioni “integrata” de sa costera e a sa pianificatzioni de su mari in unu cuntestu de polìtica maritima “integrata” de sa Blue Growth e de àteras polìticas Europeas.

PISCAS est unu programma aprontau prusatotu po istudiosus chi s'interessant de s'anàlisi de is datus de su territòriu e de sa modellistica ambientali.

Cun sa punna de fruniri connoscèntzias e istrumentus po sa pianificatzioni maritima de su territòriu, s'iscola est oberta puru a is amimnistradoris pùblicus regionalis.

© RIPRODUZIONE RISERVATA