S'Universidadi de Casteddu e sa Fondazione San Paolo Onlus donant una manu de agiudu a is universitàrius

Assignadas bintinoi bussas de istùdiu a istudiàntis in situatzioni de apretu
11 Settembre 2020
bussas de istudiu

Ariseru, su 10 de su mesi de cabudanni de su 2020, s'Universidadi de Casteddu impari cun sa Fondazione San Paolo Onlus at giau bintinoi bussas de istùdiu a istudiantis chi s'agatant in d'una situatzioni de apretu familiari, econòmicu, sotziali, o chi ant calisisiat arràgu a conca o in sa carena.

Sa summa de is 29 bussas, chi andant de 1500 a 3000 eurus, est de 50000 eurus.

Sa premiatzioni est istètia fata online. In prus de is istudiantis ddoi fiant sa Retora Maria Del Zompo, Maria Teresa Giannetti e Michele Sala de sa Fondazione San Paolo Onlus, Donatella Petretto e Clementina Casula de sa “Commisione di Valutazione” de s'Universidadi de Casteddu.

© RIPRODUZIONE RISERVATA