De su mesi de onniasantu torrat su progetu “Handala va a scuola” de s'Assòtziu “Amicizia Sardegna Palestina”

Su dinai guadangiau cun su cursu de inglesu at essi impreau po fai studiai is piciocheddus palestinesus
14 Ottobre 2020
Handala va a scuola

De su mesi de onniasantu at a torrai ocannu puru su cursu de lìngua inglesa aprontau de s'Assòtziu “Amicizia Sardegna Palestina”. At essi un'ocasioni po studiai una lìngua impreada in totu su mundu, ma at essi puru s'ocasioni po podi donai una manu de agiudu a unu progetu de importu ghiau de s'Assòtziu e totu. Difatis, su dinai guadangiau cun su cursu at essi impreau po “Handala va a scuola”, unu progetu chi serbit po comporai lìburus, pinnas, cuàdernus e àteras cosas netzessàrias a fai studiai is piciocheddus palestinesus.

Sa professora de inglesu at essi Ornella Loddo e su cursu, chi est de primu gradu, at a durai trinta oras in totu. Is lezionis, duas a sa cida, ant essi online.

Po scedas si depit scriri una mail a: inglese.sardegnapalestina@gmail.com

 

© RIPRODUZIONE RISERVATA
Tags