Petzioni online po pediri a su Presidenti Solinas is test de sa salia po is istudiantis sardus

“Is famìlias – si ligit in sa petitzioni – non si podint frimai”
12 Ottobre 2020
petitzioni online

Funt 200milla prus o mancu is firmas de sa petitzioni online chi est stètia oberta in su giassu Change.org po pediri a su Presidenti de sa Regione Autònoma de Sardigna Christian Solinas de ativai unu controllu pretzisu po cumbati s'apretu coronavirus in is iscolas.

Su controllu, segundu s'idea de is mammas e is babbus de is istudiantis chi ant donau vida a custa petizioni, s'iat a depi fai cun is test de sa salia. Sa chistioni, difatis, est chi su tempus chi passat de su momentu de su tamponi a su risurtau est de una cida e prus. Tropu, duncas, po garantiri a totus is piciocheddus de passai un annu iscolàsticu trancuillu.

In prus, si depit aciungi puru ca is tempus longus de is tamponis funt una destrossa mala po is abisòngius de traballu de is famìlias e totu. “Is famìlias – si ligit in sa petitzioni – non si podint frimai”.

© RIPRODUZIONE RISERVATA