Bestmedgrape: unu progetu sustenìbili chi interessat sa bellesa de cincu Paisus

De is arrefudus de s'àxina nascint produtus de bellesa e produtus po sa saludi
15 Gennaio 2021
terra

Terra - Est ghiau de s'Universidadi de is Istùdius de Casteddu, si lamat Bestmedgrape e est unu progetu sustenìbili chi interessat sa bellesa de cincu Paisus de s'àrea Euru-Mediterrànea.

Ma cali est s'iscopu de su progetu? Est su de torrai a impitai is arrefudus de s'indurcamentu de s'àxina po prodùiri produtos nanuformulaus po sa bellesa e po sa saludi.

Bestmedgrape est acapiau a su programma Eni Cbc Med, chi tenit sa Regioni Sardigna comenti Autoridadi de Gestioni.

Comintzau in su mesi de cabudanni de su 2019, Bestmedgrape at obertu is primus labboratòrius suus in s'atòngiu passau.

terraBestmedgrape est unu progetu de importu po sa sustenibilidadi e est fillu de un'idea chi tenit sa punna de torrai a impitai totu su chi si otenit de sa binnenna. Gràtzias a is propriedadis cosa sua, s'àxina est una frùtora arrica de polifenolus capassus de protègiri s'organìsimu de su stressi ossidativu. Ma non est acabbada innoi. Difatis, cummenti si scit, s'àxina est de importu po cumbàtiri su cancru, ma est de interessu finas contra a is inflammatzionis, a is impestus e a is microbus.

Su chi si produit, est a nai integratoris alimentaris e is produtus po sa bellesa, si fait atressu de is nanutecnologias. Custas permitint de ndi bogai is elementus trasormendiddus in bio-ativus, Elementus netzessàrius po fai is integratoris e is produtus po sa bellesa .

Est aici chi si salvant is arrefudus de su traballu de s'àxina. Cambu, croxu e pisu funt isceraus e traballaus in sa "Banca del Germoplasma" de s'Universidadi de Casteddu.

Non est totu. Su traballu de bogadura de is fitocompressi est fatu gràtzias a is "living labs" aprontaus de su Tzentru Serbìtzius po s'innovatzioni e s'imprenditorialidadi de s'Ateneu de Casteddu, e de su CNR de Tàtari. Intre is partner trisinaus in Bestmedgrape s'agatant sa Icnoderm, is "Cantine Argiolas", s'Istitutu tènnicu Ottone Baccaredda de Casteddu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags