Momentus ispantosus cun su turismu sustenìbili de “Progetto Natura”

De “Progetto Natura” a sa retza “Rete Ecoturismo Alghero”
16 Gennaio 2021
terra

Terra - Nàsciu in su 2012 in S'Alighera, est unu progetu de importu mannu e su tìtulu suu est “Progetto Natura”. S'idea chi dd'at donau vida at postu impari sa sustenibilidadi e s'innovatzioni.

Aici Gabriella Lamanna, biòloga marina esperta in matèria de turismu sustenìbili e diretora de su “Progetto Natura”, impari a is àterus circadoris e circadoras chi ant pigau parti a su progetu etotu, at pentzau a unu “caminu” chi possat promòviri esperientzias turisticas positivas. Funt esperièntzias chi afundant is arrèxinis insoru in nd'una terramanera difarenti de fai turismu. Difatis, in Sardigna, “Progetto Natura” rapresentat sa primu azienda de “dolphin watching”. Gràtzias a s'impignu de is espertus, is turistas podint osservai i derfinus e ddu podint fai cun sa ghia de is scientziaus de MareTerra, un'organizatzioni aligheresa no profit chi tenit sa punna de traballai po s'isvilupu sustenìbili. Totu custu chentza de strobbai is piscis. Is turistas chi faint cust'esperièntzia ndi contant ispantu e sa bessida in barca ddis permitit de atopai àteras ratzas de pisci puru.

Su marcu de “Progetto Natura” est su sprigu de sa filosofia cosa sua, est a nai sa de bìviri arrespetendi sa natura e is personis.

In prus de is bessidas in barca, custu progetu aprontat puru unus cantu isport de fai in mari, a cuntatu cun s'àcua, e caminus ecològicus puru. No est totu, poita de s'esperientzia de “Progetto Natura” est nàscia finas sa “Rete Ecoturismo Alghero”, una retza de operadoris turìsticus responsàbbilis chi est sa boxi de su turismu sustenìbili in totu sa Sardigna. “Rete Ecoturismo Alghero” tenit sa punna de amenguai is efetus de sa presèntzia de s'òmini in s'ambienti e finas su de fai connòsciri sa richesa manna de is traditzionis de s'ìsula. Custa retza agiudat is turistas chi lompint in S'Alighera donendiddi scedas po podi aprontai una vacàntzia ecològica.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags