Biodiversidadi vegetali: pòdiu po UNICA

S'Universidadi de Casteddu est sa primu universidadi a su mundu po is istùdius fatus asuba de su costoimentu de sa biodiversidadi vegetali in is ecosistemas mediterràneus. A ddu fai isciri est un'analisi publicada in sa rivista internatzionali "Mediterranean Botany" chi si acrarat innoia funt lòmpias is circas in matèria.

Non est totu. A èssiri inditada de intre is finatziadoris prus de importu po is istùdius de sa biodiversidadi, agataus sa Regioni Autonòma de Sardigna puru, ca in sa classìfica publicada de sa rivista s'agatat a su de otu postu, mentras s'ateneu casteddaju est a su tres postu, a palas de duas istitutzioni pùblicas: su CSIC ispagnolu e su CNRS frantzesu.
S'istùdiu sutalineat puru s'importantzia de sa coperatzioni in campu mediterràneu e s'abisongiu de progetus transfontalierus.