Masone Mannu: un'azienda agrìcula chi achistit s'ecosistema

Sa sustenibilidadi in bìngia e in cantina po binus promorosus
25 Febbraio 2021
terra

Terra -  Est una cantina gadduresa chi fait ispantu, s'agatat in su territòriu de Su Canale, una fratzioni de Monte, si tzèrriat Masone Mannu e at fatu de sa sustenibilidadi sa filosofia cosa sua.  

Difatis, po is bingiateris de cust'azienda agrìcula, sa bìngia depit andai ainnantis respetendi su territòriu e s'ecosistema cosa sua.

bidisEst po custa rexoni chi is meris de custa realidadi produtiva de Gaddura ant iscerau de traballai dògnia mata de àxina sighendi su mètodu de sa biodinamica, est a nai sena de impreai contzimis, prodotus chìmicus e calisisiat elementu chi fait nexi a s'ecostistema. Po ddu fai si serbint de is abis, alleadas pretziosas e resursas istràrdinarias. In Masone Mannu is bobborrotis tenit unu logu insoru chi est aprontau cun casiddus.    

In custa bella azienda sustenibili, dògnia traballu in bìngia si fait a manu circhendi sémpiri s'echilìbriu màssimu intre sa bìngia e s'ecosistema. Dògnia bidi crescit aintru de un'ambienti ricu de ratzas animalis e de unus cantu ratzas de matas e si curat a manera individuali.

Totus is burdonis si regollint a manu e benint isceraus unu a unu e cun pretzisioni manna.

Lòmpia in cantina, s'axina sighit unu caminu e unu traballau sustenìbili. Su binu Masone Mannu, difatis, buddit sena controllu de sa temperadura e sena aciunta de frammentu.

Est aici chi nascint is etichetas de calidadi cun marcu Masone Mannu. Funt binus captazus de espressai s'ànima de su territòriu innoia nascint.

Su Vermentinu, su Carignanu, su Cannonau, su Muristellu e sa Malvasia funt fatus totus cun axina segura e allevada aintru de is terras de s'azienda.

Totus is etichetas propostas funt binus de terroir e tenint una personalidadi marcada. No est po nudda ca po su palau e po su nasu is binus produidus de sa cantina gadduresa rapresentant bèvidas de interessu mannu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags