Sustenibilidadi e ingèniu cun is matonis de lati de Giangavino Muresu

Si lamant Milk Brick e s'ant agatai luegu in bèndida
16 Febbraio 2021
terra

Terra - Si lamant Milk Brick e funt nàscius de sa conca de s'impresàriu de Ossi Giangavino Muresu. A pustis de un'annu de istùdiu fatu cun s'Italcementi, is matonis fatus cun su lati funt prontus a concuistai su mundu de sa sustenibilidadi e s'ant agatai in bèndida luegu.

S'idea rivolutzionària de Giangavino Muresu oferrit a su mercau internatzionali unu produtu ecològicu a efetu ìdricu zeru.

latiMa ita si podit nai de sa conchista a marcu Muresu? Sa primu cosa de sutalineai est ca s'ìdea de s'impresàriu de Ossi risolvit duus arragus mannus: su primu, chi pertocat su cumpartu de s'edilìtiza etotu, est rapresentau de su consumu de àcua, s'àteru, imbecis, afrontat s'arragu de s'àcua de refudu de sa trabballamentu de su lati.
In pagus fueddus su lati chi non serbit, est a nai su de refudu, benit traballau a manera chi s'àcua siat dividia de sa caseina. Sa primu benit impitada in s'industria de s'edilìtzia faendi a càmbiu cun s'àcua druci, sa segunda, imbecis, si mudat in nd'unu isolanti termicu chi suspit debressi s'umidadi emitendidda in termoregolatzioni.

Milk Brick est una prenda verdadera po su mercau "green" (birdi). Custu  matoni sardu, difatis, tenit giai sa bellesa de duas patentis de primori. In prus de essi matonis a efetu ìdricu zeru, is Milk Brick tenint performance prus artas meda de cussas de àterus produtus giai famaus aintru de su mercau de s'edilìtzia.

Su resultau otentu de is Milk Brick est una conchista manna, poita permitit de incarrelai una muda de paradigma in su cumpartu de s'industria edilìtzia e ponit in motu unu modellu de impresa chi tenit is rèxinis suas in sa Circular Economy, est a nai in s'economia circulari. Un'economia chi amenguat dispèndius meda e creat un'acapiòngiu intre cumpartus econòmicus difarentis: su de s'edilìtzia e su de sa pastoria. In prus de totu si depit po finas pretzisai ca is Milk Brick funt produtus chi si podint sèmpri recuberai.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags