Agrilizia: su progetu chi olit insertai sa sustenibilidadi e s'ecologia in s'edilìtzia

Funt giai unus cantu is caminus de amparu aprontaus de custa realidadi
2 Marzo 2021
terra

Terra - Est unu progetu de amparu chi tenit is fundamentas in sa sustenibilidadi e in s'ecologia. Su nòmini suu est Agrilizia e fintzas a oi at donau vida a unus cantu caminus pentzaus prusatotu po genti chi at istudiau in is campus de s'architetura, de s'ingennieria e de s'agrària.

Traballat po finas cun is geometras e pertocat is temas de su progetu e de su cumprimentu de istruturas in edilìtzia.

terraAgrilizia tenit sa punna de insertai calincunu elementu de novidadi in custu cuntestu. In diri de oi, difatis, su de s'edilìtzia est unu campu atraessau de una crisi grai meda, ma chi presentat puru unas cantu possibilidadis de si torrai a nou. Cummenti? Pròpiu cun sa sustenibilidadi e s'ecologia.

Is punnas de su progetu funt medas e totus de importu. Intre custas ndi podeus allistai assumancu una pariga:

- tocat a traballai a una manera de fai su progetu de architetura e ingennieria chi depit sèmpiri respetai is printzìpius de sustenibilidadi de s'ambienti
- est netzessàriu valorizai sèmpiri de prus is produtzionis de su logu
- custas produtzionis depint èssiri naturalis, est a nai ca depint èssiri "petrol free" e "carbon free" (chentza de petròliu e chentza de craboni)
- est netzessàriu insertai protzessus nous in s'edilìtzia, e custus protzessus ant a depi tenni efetus lèbius po s'ambienti
- bisòngiat po finas fai crèsciri su nùmeru de is cumpetèntzias de is operadoris chi traballant in custu campu.

Cun custus obietivus Agrilizia, chi tenit domu in Casteddu in arruga Bandello, dògnia diri fait su traballu suu. Aici, fintzas a oi funt unus cantu is caminus de amparu aprontaus de custa realidadi ispantosa: ddoi at cussu po ispertu in edìlitzia sustenìbili, cussu po sa ghia sustenìbili de is cantieris, cussu po ispertus BIM, cussu in "Healting Building Design" chi ghiat a s'impreu de materialis naturalis in edilìtzia.

Funt totus progetus de importu, duncas. Progetus chi proponit una manera de rexonai difarenti in nd'unu campu chi tenit sa netzessidadi de s'annoai.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags