Degeco e s'iscèberu sustenìbili

Pentzendi a su benidori nascit s'iscèberu de impreai feti linna tzertificada FSC
23 Aprile 2021
terra

Terra – Est una realidadi chi nascit in Sardigna e tenit comenti nòmini Degeco; s'agatat in sa zona industriali Pill'e Matta de Cuatuciu e traballat in su cumpartu de sa progetatzioni e de sa produtzioni de trastus fatus a manera artesana e sustenìbili.

Sa sotziedadi Coperativa cualificada po sa traballadura de su Corian® Dupont Degeco afungat is reixinas cosa sua in sa butega de su mastruàscia, chi s'annodidat po sa connoscèntzia de is materialis e po sa traballadura automatizada, e in cussa artesana de sa linna e de su Corian® Dupont.

Sa de Degeco est una manera de traballai responsàbili e sustenìbili. Po sa Coperativa campidanesa, difatis, sa sustenibilidadi est un'elementu de importu, e pentzendi a su benidori promovit s'impreu sustenìbili de is padentis italianus e mundialis. Ddu fait pighendi feti linna tzertificada FSC (Forest Stewardship Council). Seus fueddendi de una tzertificatzioni chi tenit sa punna de gestiri a manera curreta is padentis.

Degeco traballat cun architetus de importu. Dògnia traballu fatu est un'òpera de calidadi manna e de precisioni. No est po nudda ca is resurtus prus bellus funt propostas tècnicas creativas e innovativas. Propostas chi nascint gràtzias a sa cumbinatzioni de unas cantu tecnologias cun diversus materialis.  

Sa tutela de s'ambienti, su castiu a su benidori e unu traballu fitianu po fai bìviri is progetus de is clientis faint de Degeco una realidadi produtiva primorosa. Totus is ideas benint trasformadas in disignus esecutivus CAD. Disignus chi benint mandaus in produtzioni feti si acuntentant is rechestas de su clienti. Dògnia arrogu e dògnia bìculeddu est traballau a fini. Agoa, su produtu benit provau e lassat sa butega feti chi est totu a postu.   

Tutus is traballus de Degeco funt òperas esclusivas e ùnicas. Operas fatas cun materialis sustenibìlis, funt progetadas e imbunzadas de is professionistas de sa Coperativa etotu.

© RIPRODUZIONE RISERVATA
Tags