Un'azienda sarda intre is coranta realidadis chi pigant parti a su progetu "STAND Up!"

Terra - Sa Sardigna pigat parti a su progetu “STAND Up!” e ddu fait cun nd'una proposta chi tenit su coru in su campu de sa moda fata a manera sustenìbili.

Ma ita est “STAND Up!”? Est sa cramada fata de su programma ENI CBC MED (L.R. 29 de su mesu maju 2007, n. 2) ghiau de sa Regione Autònoma de Sardigna.

“STAND Up!” est unu nòmini chi nascit de s'unioni de is primus lìteras de is fueddus inglesus “Sustainable Textile Action for Networking and Development of circular economy business ventures in the Mediterranean” e trisinat unas cantu realidadis culturalis chi s'agatant in s'àrea de su Mari Mediterraneu. Funt s'Egitu, su Libanu, s'Italia, sa Tunisia e s'Ispànnia, paisus chi tenint una traditzioni de importu in su cumpartu de su tessìngiu.

Dògnia atividadi chi s'insertat in su progetu “STAND Up!” si fundat asuba de s'impreu de materialis ecu-sustenìbilis, chi non faint dannu a s'ambienti. S'industria de sa moda, difatis, est intre is primus realidadis produtivas chi impestant sa Terra.

Po cantu pertocat s'Italia su progetu est ghiau de su “Museo del Tessuto” de Prato, chi est cordinadori de is fainas de imparu chi cumentzant oi, 20 de su mesi de arbili 2021.

Tra is chi coranta progetus chi pigant parti a custu programma ddoi at puru sa start up sarda de Giulia Uccheddu, Francesco Pilloni e Andrea Vacca, chi presentat su progetu “Sardomi”, un'idea chi tenit sa punna de produiri bistimentas ispiradas a su patrimòniu artìsticu e istòricu de s'ìsula. Unu progetu chi perou bolit impreai feti orrobba tìpica de sa traditzioni sarda: dògnia creatzioni at a depi èssiri fata cun materialis ecu-sustenìbilis cummenti cotoni e linu produidus in Sardigna e a km0. In prus, po su pachitu s'at a impitai feti ortigu, àteru materiali de s'artesanau isulanu.

Bisòngiat po finas a nai ca Sardomi si movit atressu de una piataforma, una manera moderna de fai atopai clientis e artesanus.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22