Sustenibilidadi: "Saponetico" unu laboratòriu artesanu chi fait saboni naturali

De un'idea de Paola Congiu nascint sabonis sustenibìlis chi respetant s'òmini e s'ambienti
20 Maggio 2021
terra

Terra - Est unu laboratòriu artesanu chi fait saboni naturali, s'agatat in Macumere e nascit de un'idea de Paola Congiu, chi dd'at batiau cun su nòmini de "Saponetico" aunendi aici duus fueddus de sa lìngua italiana "sapone" e "etico". Duus fueddus chi si faint cumprèndiri ita tipu de traballu fait Paola. Duncas podeus nai ca su traballu de Paola castiàt a su benidori de sa terra.

Is sabonis chi tenint su macru "Saponetico" funt sabonis fatus cun pagu prus o mancu de su 70% de ollu de olia. In prus tenint butiru de karitè, ollu de avocado e àterus ingredientis naturalis. Mancu una de is propostas "Saponetico" tenit ingredientis chìmicus; in prus Paola impreat po finas ollus essentzialis, e, candu fait, ponit ollus fatus cun ingredientis de su territòriu.

terraMa comenti si fait su saboni in su labboratòriu de Paola Congiu? Su saboni de "Saponetico" est unu saboni sustenìbili chi si fait sighendi is imparamentus de sa traditzioni. Seus fueddendi de una traditzioni antiga meda. Dògnia saboni nascit de unu traballu fatu cun mètodu a fridu. Sighendi is imparamentus de custu metodu, su saboni si lassat pasiai in foras, a s'aera, po cincu o ses cidas. Agoa si segat e s'imboddicat a manu. S'imboddicamentu est fatu sempri cun materiali riciclabili e materiali riciclau. Comenti si podit cumprèndiri, duncas, in su labboratòriu de Macumere non s'impitat sa pràstica.

In prus de totu, dògnia saboni de "Saponetico", a s'imbessi de is sabonis fatus de s'industria, est ricu de glicerina.

Su labboratòriu de Macumere non fait feti saboni, ma, impari a su saboni presentat àteras propostas puru po sa cura de sa carena. Difatis, innoi s'agant po finas produtus po pipius, saboni po is pilus, saboni po si fai sa braba, unguentus e butiru de si passai in sa carena agoa de s'èssiri isciacuaus.

Totus is propostas de "Saponetico" funt isperimentadas e tenit puru su tzertificau "veganOk".

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags