A sa de tres editizionis sa manifestada ecologista "Puliamo la Sella"

S'atopu est promòviu de sa "Fondazione MEDSEA"
22 Giugno 2021
terra

Terra - Torrat ocannu puru s'atopu "Puliamo la Sella" aprontau de "Clean Up colletivo" e promòviu de sa "Fondazione MEDSEA". S'atopu s'at a tenni sàbudu 26 de su mesi de làmpadas 2021 de is 9.00 a is 12.00.

A pustis de un'annu difìtzili meda, custa manifestada ecologista arribbat a sa de tres editzionis e tenit sa punna de limpiai s'arenàrgiu e su mari a ingìriu de sa Sedd'e su Diaulu, unu logu ispantosu meda chi est sèmpiri in su coru de totus is tzitadinus de Casteddu.

S'area chi at èssiri limpiada currispondit a su primu tretu de su Poetu e po finas a sa costera chi de Marina Piccola arribbat a Cala Mosca.

terraPo fai andai totu beni ant a fai sa parti insoru puru unus cantu chioscus de su Poetu - "Le Palmette", "Otium" e "Sella del Diavolo" - e calincunu asòtziu sportivu, ambientali e culturali. Intre custus ddoi funt: sa "Scuola di Kayak Olè Kayak", "TuttiInSup", sa "Cooperativa Golfo degli Angeli", su "AIR Sub", su "Subaqua Diving", su "Tribune -- Settore Apnea", s'asòtziu "UpsideDown Sardinia", s'"EcoClean Villacidro", su "Scout Cngei (Ca2)", su "Scout Assoraider (Ca24)", sa "Farmacia Politica", "UniCa LGBT" e is "Giovani per il Pianeta".

Ddu scideus beni: s'arragu de sa plàstica in mari cummenti elementu chi impestat s'ecostistema est unu tema de importu mannu. Custa est sa rexoni chi movit progetus cummenti "Puliamo la Sella". A ddu pretzisai est Piera Pala, de sa Fondazione MEDSEA etotu. Custa manifestada, difatis, bolit fai calincuna cosa po portai su tema de su respetu de s'ambienti a is tzitadinus. Po custa rexoni is volonteris s'ant a ponni a puliri s'arenàrgiu de is refudus de plàstica chi s'agantant in dògnia logu, in su mari e in sa costera. Funt refudus chi faint mali meda a is piscis chi bivint in mari. Bastit a pentzai ca de su 2018 a su 2020 si funt arregortus cincuanta-milla chilus de plàstica cun binti atopus scèti.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags