ARREXINI: su primu Festival de Lìngua e Cultura Sarda

In Marmidda de su mesi de argiolas a su mesi de austu unus cantu cunvegnus, atopus dedicaus a s'editoria, a sa mùsica e a su teatru
14 Luglio 2021
arrexini

Ant èssiri Biddanoa 'e Forru e Soramanna is biddas chi de su 24 de su mesi de argiolas a s'1 de su mesi de austu ant a aghilliri sa primu editzioni de su festival Arrexini, unu festival bòfiu de is duus Comunus cun s'agiudu de sa "Fondazione di Sardegna" e de s''Assessoradu de s'istrutzione pùblica, benes culturales, informatzione, ispetàculu e isport” de sa RAS e cun s'organizatzioni de s'"Associazione Enti Locali per lo Spettacolo".

"Su Festival - sutalineat su sìndigu de Biddanoa 'e Forru Maurizio Onnis - est pentzau, in totus is manifestatzionis artisticas cosa sua, cun nd'una punna comuna, est a nai: dimustrai comenti est arrexinada e funguda sa cultura sarda". Custu "puru si non si nd'agataus".

Unu Festival totugantu in lìngua sarda, po fai cumprèndiri comenti su sardu est una lìngua chi si podit impitai chentza de istrobbu in "iscola, in sa pùbblica ammministratzioni, in s'arti e in totu su chi si pertocat".

Po su sìndigu de Soramanna puru Arrexini est "una manifestatzioni de importu [... ] chi si mudat in realidadi".

© RIPRODUZIONE RISERVATA