In Casteddu "Etto" rapresentat unu progetu de primori nàsciu cummenti carnatzeria sustenìbili

Non feti carnatzeria ma po finas "gastronomia" e "bistrot"
18 Luglio 2021
terra

Terra – Su nòmini cosa sua est “Etto” e est una carnatzeria chi s'agatat in Casteddu, in su bixinau de Stampaxi. “Etto” rapresentat unu progetu sustenìbili chi est fadendi chistionai meda de sei.

Ma cummenti mai una carnatzeria est aici famada? “Etto” est nàscia in su mesi de idas de su 2019 de sa conca de Pierluigi Fais. S'idea sua est istètia sa de criai una carnatzeria moderna cumentzendi de una carnatzeria chi giai s'agatat in Stampaxi. “Etto”, perou, non ollit èssiri una carnatzeria cummenti is àteras, olit fai calincuna cosa de prus: olit valorizai is produtus de su logu. Aici chini comporat de “Etto” est seguru de papai feti petza de primori, petza de bèstias chi podint pasci lìbberas in is satus de Sardigna, papendi murta e ollestincu, po fai un'esèmpiu feti. Petzas chi po su prus benint allevadas in su Montiferru, su logu innoia Fais etotu est nàsciu.

ettoAici dògnia cida Pierluigi e su carnatzeri cosa sua bisitant unus cantu allevamentus sardus e seberant sa petza de bèndiri in sa carnatzeria de Stampaxi: est petza bella de bestias chi non si ponint in cropu mandiaris chìmicus ma chi papant cosas bonas, cosas chi donant unu sabori lichitosu a sa petza chi s'at podi comporai e papai aintru de custa carnatzeria casteddaia.

Difatis, candu est nàsciu, su progetu teniat feti sa punna de bendi petza de proceddu, brebei, puddu, malloru fintzas a su mesi de arbili. De arbili iat a èssiri depia cumentzai un'àtera atividadi, est a nai ca a su noti sa carnatzeria depiat mudai in nd'unu “bistrot” innoia papai sa petza bella chi a mangianu s'agatàt in su bancu de su carnatzeri. In su mesi de martzu, perou, est arribbada sa pesta de su covid-19 e agoa de su covid s'arragu de su "lockdown". Aici “Etto” at cumentzau a traballai coxinendi e fadendi arribai is mandiaris giai coxinaus in is domus de is casteddajus. Est nàscia aici sa “gastronomia” de Etto, chi rapresentat su de tres elementus de unu progetu chi tenit su coru in sa sustenibilidadi.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags