Ambienti e sustenibilidadi: 500 piciocus sardus po s'amparu de su mari

Su progetu de “One Ocean Foundation Porto Cervo” e “Aurora Fellows”
7 Agosto 2021
terra

Terra - "One Ocean Foundation Porto Cervo" e "Aurora Fellows" funt duas realidadis impignadas po s'amparu de su mari e rapresentant duas realidadis chi ant pentzau a unu progetu bellu meda.

Seus fueddendi de unu progetu internatzionali chi in prus de amparai su mari promovit po finas un'economia biaita e sustenìbili. S'idea est filla de su "Yacht Club Costa Smeralda", realidadi chi tenit sa punna de fai crèsciri intre de is giovuneddus s'atinamentu asuba de su tema de sa salvaguàrdia de su mari. Po ddu fai at pentzau a una fibera de progetus in matèria de “ocean literacy” e sensibilizatzioni.

A cantu narat su WWF, dògnia annu chi colat finit in su mari una cantidadi de pràstica manna meda, chi impestat s'àcua cun milionis de chilus de refudus. Mancu a ddu nai: est un'impestu chi nexit a is animalis e non feti a cussus.

Su 2021, s'iscit, est un'annu de importu mannu po sa gherra a s'impestadura marina, sendu, comenti narant sa declaratzioni de is Natzionis Ùnias, s'annu chi oberrit su "Decade of Ocean Science for Sustainable Development". Sa primu punna de custu atopu mundiali est de fai mòviri sa comunidadi cun s'agiudu de sa circa e de is tecnologias noas. Ddu fait incumentzendi de is giòvunus.

terraEst de innoi chi cumentzat su caminu de 500 piciocus sardus. Unu caminu chi at a acabbai in su mesi de cabudanni e chi donat a is piciocus s'oportunidadi de si cunfrontai cun espertus e de si fai protagonistas de un'ecosistema capassu de mudai su benidori.

Cun “Aurora Fellows” is giòvanus ant a cumentzai una faina de educatzioni e imparu asuba de su tema de s' impestadura de su mari, de s'innovatzioni e de is tecnologias biaitas.

“One Ocean Foundation”, imbecis, at a donai 500 borsas de istùdiu po pigai parti a s'“Aurora Experience”, unu caminu de imparu chi aprontat tres step: s'atinamentu, su coràgiu, e su giogu de iscuadra. Funt step chi ant a donai sa possibbilidadi de diventai unu “Fellow de Aurora”. In prus de custu, “One Ocean Foundation” s'at a interessai a s'isvilupu de progetus de sensibilizatzioni e de orientamentu po is giòvanus, allanendiddus a s'atinamentu e a sa chistioni internatzionali cun is professioneris de diversus cumpartus. Intre custus professioneris s'annoditant nòminis de importu mannu comenti Kelly Bencheghib, su co-founder de “Make A Change World”.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags