Sa Sardigna bincit cun sa tunnina "As do Mar"

Sa tunnina de Terranoa “As do mar”, chi est intrada in sa classìfica “Altroconsumo” cun nd'una medallia de oru e una de prata, ndi betit a domu unu prèmiu de importu mannu.

“As do Mar” otenit custu resurtu cun sa tunnina a strònciu intreu, chi at otentu 78 puntus bincendi s'oru, mentras sa tunnina allogada asuta de ollu at bintu sa prata cun 75 puntus.

“As do Mar”, duncas, bincit contra a is marcus prus famaus, comenti Rio Mare e Nostromo. A pabas de “As do Mar” s'agatat sa tunnina Selex, sa Calippo e sa Fratelli Carli.