Uncem: in su Montiferru tocat a fai nàsciri una “Green Community”

Terra - Su fogu arruinat su logu. Non est po nudda ca po Marco Bussone, Presidenti de s'Uncem (“Unione nazionale comuni comunità enti montani”), at nau ca in Sardigna s'area de su Montiferru [...] ferta de is fogus [...] depi èssiri sa primu 'Green Community' de Sardigna. Est a nai ca s'area de su Montiferru rapresentat sa primu zona chi depit tenni sa possibbilidadi de impitai "is resursas previdias de su 'Piano nazionale di Ripresa e Resilienza'". Scèti aici s'at a podi fai torrai a nàsciri su capitali umanu e sotziali cosa sua.

Fueddendi cun sa Presidenti Uncem Sardigna Daniela Falconi e cun is sìndigus de Santu Lussurgiu Diego Loi, de Sennariolo Gianbattista Ledda e de Cullieri Giovanni Panichi, Bussone at acrarau puru ca totu s'area ferta de su fogu "tenit bisòngiu de resursas adecuadas"; resursas de impreai po torrai a fai apillonai su patrimòniu ambièntali e su de sa biodiversidadi. Tocat a nai, peroi, ca po ddu fai serbint luegu 20 millionis de eurus. Luegu, est a nai oi e non cras.

A manera crara su camminu po torrai a fai apillonai s'ambienti est unu camminu chi andat fatu cun atentzioni manna e cun nd'una pianificatzioni longa meda. Custu camminu s'aunit a su bisòngiu chi tenit sa Sardigna de torrai a pentzai a unu sistema contra a su fogu, e po finas a su bisòngiu de tenni una lei forestali profetosa. Una lei chi de is "Unioni montane di Comuni", una lei chi ndi betat puru cantu si ligit aintru de su "Testo Unico in materia di Foreste e Filiere forestali".

Duncas, in prus de is resursas chi sa Giunta regionali e su Guvernu ant a donai po fai torrai a nàsciri su chi s'est mortu po mori de su fogu, is Comunus de s'Unioni "depint traballai po donai vida a una "Green Community". Ddu depint fai po afortiai is territòrius insoru. Po is de s'Uncem, difatis, su fogu s'imparat sa debbilesa de su patrimòniu ambièntali, cussa sotziali e cussa econòmica puru. Funt debbilesas chi ferrint a totu su territòriu, "unu territòriu chi sighit a si sbuidai". Cun sa "green community", imbecis, s'at a fai crèsciri su capitali umanu e su capitali sotziali, chi crescendi faint nàsciri su capitali naturali.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22