Serri: s'atopu de Poste Italiane po fueddai de filatelia

Serri est unu de is comunus sardus isceraus de Poste Italiane po presentai a is tzitadinus is temas de sa filatelia e de s'iscritura.

S'atopu s'at a isboddiai in s'Àrea Archeològica de Santa Vitòria in sa diri chi s'afestat pròpiu sa santa, est a nai sabudu 11 de su mesi de cabudanni. S'at a cumentzai de is 9.00 e s'at a sighiri fintzas a sa una.

S'atopu de Serri fait parti de unu programma chi tenit comenti protagonistas is comunus chi tenint prus pagu de 5milla ànimas e tenit sa punna de ammostai sa presèntzia de Poste Italiane in is logus innoia ddoi at pagu genti.

S'atopu sutalìneat ca Poste Italiane at incarrerau unu caminu nou de fai cun is comunus prus pitius. S'obietivu? Unu scéti: su crescimentu econòmicu e sotziali de sa comunidadi.