Is traditzionis e is saboris de Gartèddi

Is macarronis de busa e de puntzu ant èsseri is protagonistas de "Sardinia Experiences - Antichi Saperi e Sapori di Galtellì". Un'atopu de tres diris chi s'at a tenni de su 10 a su 12 de su mesi de cabudanni e chi at a fai connòsciri a su bisitadori cosa sua is saboris tìpicus de sa bidda.

Pitàntzias e prodotus tìpicus, sartitzu, presutu e casu, culurgionis, corda cun prisuci funt calincuna feti de is licànzias chi s'ant a podi tastai in "Sardinia Experiences - Antichi Saperi e Sapori di Galtellì". Intre is momentus prus importantis de s'atopu ddoi at èssiri su labboratòriu de arti bianca chi s'at a isboddiai in su “Museu Etnogràficu Domo 'e Marras”. Su labboratòriu est dedicau a is macarronis de busa e a is macarronis de puntzu.

"Sardinia Experiences - Antichi Saperi e Sapori di Galtellì" non previdit feti licànzias, ma po finas iscampirradas in su giassu naturalìsticu de Preta Istampata, in su “Parco Deleddiano”, innoia ant èssiri ammentadas is pàginas prus bellas de su prèmiu Nobel Grazia Deledda.

Non est acabbada ancora, poita in s'atopu s'at a tenni puru unu laboratòriu de tessìngiu traditzionali.

A s'acabbada, s'ùrtima diri at èssiri dedicada a s'isport e a sa saludi de sa carena cun su tour a cuaddu de bicicretas elètricas e cun caminus in canoa de fai in su Tzedrinu.