Azienda Agro-Biologica Giuseppe Brozzu: un'atividadi chi pentzat a s'ambienti

S'ollu ermanu cun tzertifìcau biològicu
14 Ottobre 2021
terra

TerraSi lamat “Azienda Agro-Biologica Giuseppe Brozzu”, s'agatat in Sènnaru e fait ollu ermanu cun tzertifìcau biologicu. Est un'azienda sarda de primori, chi castiat a s'ambienti e a sa saludi de s'òmini. S'“Azienda Agro-Biologica Giuseppe Brozzu” est sutaposta a regimi de sestabilidadi, comenti olit sa norma UNI-EN ISO 22005: 2007. Custu assegurat a su clienti sa caminera de s'olia: de sa mata a su mulinu, de s'allogamentu in depositu fintzas a sa data de preparamentu e bendida.

terraS'“Azienda Agro-Biologica Giuseppe Brozzu” traballat sa terra intre su territòriu de Sossu e de Sènnaru, est a nai in sa Sardigna de Tramuntana. Ddu fait lassendi sa terra in saludi, est a nai sena de impreai sustàntzias chìmicas aprontadas po fai crèsciri de prus su chi si prantat o semenat; ddu fait sena de s'impreu de produtos fit-sanitàrius de sintesi. Est aici chi custa realidadi assegurat sa calidadi de su chi produit.

In custu tretu de Sardigna basau de su soli e imbrassau de su bentu estu e de su mari s'obia e s'axina ndi bogant a pillu unu nuscu e unu sabori mìrificu.

In s'“Azienda Agro-Biologica Giuseppe Brozzu” dògnia fasa de sa produtzioni est mandada ainnantis de professioneris chi traballant impari a sa famìlia Brozzu. Is Brozzu etotu, difatis, pigant parti a su traballu, prusatotu a sa regorta de s'olia e a sa binnenna. Su resurtu est una produtzioni de ollu e de binu sana e lichitosa.

Cumentzendi de sa regorta de s'olia fata in s'annada 2018/19, s'“Azienda Agro-Biologica Giuseppe Brozzu” est po finas meri de unu mulinu. Tocat a nai ca pròpiu su mulinu at milliorau is caraterìsticas de is produtzionis cun eticheta Brozzu.

S'obia regorta e betia in su mulinu, difatis, si traballat intre 2-3 oras. Su mulinu s'agatat in su tentru anziendali de Sènnaru, in Localidadi Badde Casos, est a nai in su coru de un'olivàriu mannu.

In prus de totu s'“Azienda Agro-Biologica Giuseppe Brozzu” at otentu prèmius meda po s'ollu bilògicu cosa sua. Feti in 2020 at otentu is “Tre foglie” de su Gambero Rosso “Oli d'Italia 2020”, mentras in s'“11° Concorso L’Oro d’Italia”, sèmpiri in su 2020, at otentu is “5/5 gocce” e sa lodi de primori po sa ratza “Bosana”.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags