Caminera Noa lamat una manifestada contra a sa cunsigna de Puigdemont a s'Ispagna

S'at a isboddiai su 4 de su mesi de ledàminis chi benit su protzessu chi depit determinai sa cunsigna de Carles Piugdemont a s'Ispagna.

Sa diri de su protzessu su Presidenti catalanu no at èssiri lassau a solu. Is ativistas de Caminera Noa, difatis, ant lamau una manifestada chi at a cumentzai a is 9.00 de mengianu e s'at a tenni a faci de sa Corti de Apellu de Tàtari, in arruga Budapest 34.

“Su 4 de su mesi de ledàminis depeus afortiai su messàgiu - si ligit in sa nota de imprenta de Caminera Noa – : sa libertadi de is pòpulus non podit èssiri protzessada”. E ancora, “Sa Sardigna no est sa trampa chi s'Istadu italianu podit impreai comenti ddi parrit e praxit po fai praxeri a is àterus Istadus”.

A sa manifestada po Piugdemont ddoi ant èssiri puru is indipendentistas de ProgReS, iRS, Sardigna Lìbera e SNI.